SEULDA AZƏRBAYCANIN SƏRMAYƏ İMKANLARINA HƏSR OLUNMUŞ BİZNES-SEMİNAR KEÇİRİLƏCƏK
Koreya Ticarət, Sənaye və Energetika Nazirliyi, Ticarət və Sənaye Palatası, Azərbaycan İqtisadi İnkişaf Nazirliyi və AZPROMO-nun birgə təşkil edəcəkləri tədbirdə ölkəmizdə sərmayə mühiti, tikinti, enerji, informasiya texnologiyaları, sənaye və ticarət sahələrində potensial əməkdaşlıq üçün mövcud vəziyyət barədə Koreyanın işgüzar dairələrinə məlumat veriləcəkdir.
Xatırladaq ki, bu il mayın 11-də Bakıda Azərbaycan-Koreya biznes forumu keçirilmişdir. İki ölkənin 200-dək iş adamının, dövlət rəsmilərinin iştirak etdikləri tədbirdə xüsusi vurğulanmışdır ki, Azərbaycan Koreya biznesi sərmayələrini yatırmaq üçün yeni məkandır. Forumda AZPROMO ilə Koreya Ticarət və Sənaye Palatası arasında əməkdaşlıq haqqında saziş də imzalanmışdır.
AZPROMO-nun prezidenti Emil Məcidov demişdir ki, keçirəcəyimiz seminar Koreya biznesmenləri üçün faydalı olacaqdır. Onlar bir daha inanacaqlar ki, Azərbaycan iqtisadiyyatı sərmayələr üçün açıqdır və burada xarici sərmayədarlara geniş imkanlar möcuddur.
Bölmənin digər xəbərləri
