Sığorta bazarına dair maarifləndirici seminar təşkil olunub
Bakı, 1 may, AZƏRTAC
Maliyyə Bazarlarına Nəzarət Palatası (MBNP) və Azərbaycan Kooperasiya Universitetinin maliyyə və bank işi kafedrasının birgə təşkilatçılığı ilə sığorta bazarı haqqında növbəti maarifləndirici seminar keçirilib.
Palatanın mətbuat xidmətindən AZƏRTAC-a bildirilib ki, MBNP-nin, Azərbaycan Sığortaçılar Assosiasiyasının və bir sıra sığorta şirkətlərinin nümayəndələri tərəfindən təqdim olunan mövzular tələbələr tərəfindən böyük maraqla qarşılanıb.
İnteraktiv metodlar və dialoq formasında keçirilən seminar çərçivəsində sığorta haqqında ümumi məlumat, mahiyyəti və sığortanın əsas növləri, sığorta riskləri və anderraytinq haqqında məlumat, həyat və qeyri-həyat sığortası mövzuları müzakirə olunub.
Təcrübə və diskussiyalarla zəngin olan təlimdə Azərbaycan Kooperasiya Universitetinin akademik heyəti və tələbələri iştirak edib.
Bölmənin digər xəbərləri
