ŞİMAL-CƏNUB NƏQLİYYAT DƏHLİZİ İSTİQAMƏTİNDƏ İŞLƏR DAVAM ETDİRİLİR
Azərbaycanın nəqliyyat nazirinin müavini Musa Pənahov AZƏRTAC-a bildirmişdir ki, Şimal-Cənub nəqliyyat dəhlizi istiqamətində işlər davam etdirilir.
M.Pənahov qeyd etmişdir ki, əsas idarəetmə orqanı Rusiyada yerləşən layihənin davam etdirilməsi ilə bağlı Azərbaycan, İran və Rusiya dəmiryolçularının bu yaxınlarda keçirilmiş görüşündə müəyyən dəqiqləşdirmələr aparılmışdır. Belə ki, əsas tikinti işlərinin icra olunacağı İran ərazisində Qəzvin-Rəşt-Astara (İran) istiqamətində dəmir yolunun inşası işlərinə artıq başlanmışdır. Azərbaycan tərəfinin yolun Astara (İran)-Astara (Azərbaycan) hissəsinin inşasını öz üzərinə götürdüyünü qeyd edən nazir müavini bununla əlaqədar hazırlıq işlərinin aparıldığını bildirmişdir.
Bölmənin digər xəbərləri
