“ŞİMAL” DRES GENİŞLƏNƏCƏK
“Azərenerji” ASC-nin mətbuat xidmətindən AZƏRTAC-ın müxbirinə bildirmişlər ki, yaxın vaxtlarda DRES-in mühəndisləri milli energetika idarəsinin ekspertləri ilə birgə 400 MVt gücündə olan yeni blokun tikiləcəyi yeri müəyyənləşdirməli, habelə layihə-smeta sənədlərini hazırlamağa başlamalıdırlar. Bununla yanaşı, kadr hazırlığı kursları təşkil ediləcək və həmin kurslarda artıq fəaliyyət göstərən birinci blokun bazasında müasir avadanlığın idarə olunması öyrədiləcəkdir.
MDB məkanında analoqu olmayan 400 MVt gücündə ilk BQQ “Şimal” DRES-də Yaponiya hökumətinin güzəştli krediti hesabına inşa edilmişdir. Müvafiq saziş Prezident Heydər Əliyevin 1998-ci ildə Tokioya səfəri zamanı imzalanmışdı. Sonralar burada ikinci belə qurğu inşa etmək qərara alınmışdır.
Hazırda Yaponiyanın Beynəlxalq Əməkdaşlıq Bankından layihənin kreditləşdirilməsinə dair prinsipial razılıq alınmışdır və onun texniki, maliyyə cəhətləri müzakirə edilir.
Bölmənin digər xəbərləri
