SİRKDƏ BAŞ VERMİŞ FACİƏYƏ GÖRƏ ÜÇ NƏFƏR CİNAYƏT MƏSULİYYƏTİNƏ CƏLB OLUNMUŞDUR
Yanvarın 7-də Bakı Dövlət sirkində 2 uşağın ölümü, 4 nəfərin isə yaralanması ilə nəticələnmiş faciəli hadisə ilə bağlı açılmış cinayət işinin istintaqını Bakı Şəhər Prokurorluğu aparır.
Respublika Baş Prokurorluğunun mətbuat xidmətindən AZƏRTAC-a bildirmişlər ki, şəhər prokurorluğunun əməkdaşları mütəxəssislərin və ekspertlərin iştirakı ilə hadisə yeri müayinə edildikdən sonra Cinayət Məcəlləsinin 124.2 (ehtiyatsızlıqdan adam öldürmə) və 162.2 (əmək mühafizəsi qaydalarını pozmaq) maddələri ilə cinayət işi başlanmışdır və müvafiq istintaq tədbirləri davam etdirilir.
Attraksion qurğusunun istismarı və istifadə olunmasında kobud qanun pozuculuğuna yol verdikləri üçün Bakı Dövlət sirkinin kommersiya direktoru R.Məmmədov, sirkin əməkdaşları S.Əmirəhmədov və T.Məmmədov cinayət məsuliyyətinə cəlb olunaraq barələrində həbs qətimkan tədbiri seçilmişdir.
Baş vermiş ağır faciə ilə əlaqədar başlanmış cinayət işinin istintaqının tam, hərtərəfli və obyektiv aparılması, bütün təqsirli şəxslərin məsuliyyətə cəlb olunması üçün prokurorluq tərəfindən zəruri tədbirlər görülür.
Bölmənin digər xəbərləri
