SOFİ LOREN ÖVLADLIĞA UŞAQ GÖTÜRMƏYƏ HAZIRLAŞIR
AZƏRTAC-ın xarici informasiya agentliklərindən aldığı xəbərə görə, sentyabrın 20-də 70 yaşı tamam olacaq İtaliya kinoulduzu Sofi Loren övladlığa balaca bir qızı götürmək barədə fikirləşir.O demişdir: “Oğlanlarımı çox sevməyimə baxmayaraq, qızım olmadığına həmişə heyfsilənmişəm. Lakin, ola bilsin ki, gələcəkdə qız anası da olacağam”.
Aktrisanın övladlığa uşaq götürmək fikrinə düşməsi təsadüfi deyildir. Sofi Lorenin və ondan 20 yaş böyük olan ömür-gün yoldaşı, prodüser Karlo Pontinin iki oğlu var: 34 yaşlı kiçik Karlo rejissor, 30 yaşlı Eduardo isə dirijordur. Onların heç biri ailə qurmamışdır.
Bölmənin digər xəbərləri
