SOYQIRIM QURBANLARININ XATİRƏSİ UNUDULMAZDIR
Azərbaycan Müəllimlər İnstitutunda 31 mart azərbaycanlıların soyqırımı günü ilə əlaqədar keçirilən yığıncaq faciə qurbanlarının xatirəsinin bir dəqiqəlik sükutla yad edilməsi ilə başlanmışdır.
İnstitutun rektoru, professor Məmmədhənifə Musayev yığıncağı açaraq, zaman-zaman ermənilərin torpaqlarımızda törətdikləri qırğınları xatırlatmış, bu vəhşiliklərin dünya ictimaiyyətinə çatdırılması baxımından Prezident Heydər Əliyevin “Azərbaycanlıların soyqırımı haqqında” Fərmanının əhəmiyyətindən danışmışdır.
Sonra dosent Səttar Allahverdiyevin “31 mart azərbaycanlıların soyqırım günüdür” mövzusunda məruzəsi dinlənilmişdir.
Məruzəçi və çıxış edənlər 85 il bundan öncə erməni daşnaklarının Azərbaycanın müxtəlif yerlərində, o cümlədən Bakıda, Şamaxıda, Salyanda, Qubada soydaşlarımızın başına gətirdikləri müsibətlərdən söhbət açmış, qəsbkar düşmənin bu gün də öz qanlı əməllərindən əl çəkmədiyini vurğulamışlar.
Yığıncaq iştirakçıları əmin olduqlarını bildirmişlər ki, dövlətimizin başçısının müdrik siyasəti sayəsində xalqımızın haqq işi qalib gələcək, Azərbaycanın ərazi bütövlüyü təmin ediləcəkdir.
Bölmənin digər xəbərləri
