SOYQIRIMINA HƏSR OLUNMUŞ SƏRGİ
Martın 30-da “Azərbaycan uşaq dünyası” qalereyasında Xocalı faciəsinə və 31 mart azərbaycanlıların soyqırılmı gününə həsr olunmuş “Uşaqlar soyqırımına qarşı” mövzusunda sərginin ikinci turu açılmışdır.
Tofiq İsmayılov adına Uşaq və Gənclər Yaradıcılığı Sarayının, “Təkən” Uşaq, Yeniyetmə və Gənclər Cəmiyyətinin və qalereyanın birgə keçirdikləri sərgidə 6-15 yaşlı 50 nəfər Bakı məktəblisinin 100-ə yaxın rəsmi nümayiş etdirilir.
Qalereyanın müdiri Aynurə Həşimova sərgini açaraq, ermənilərin xalqımızın başına gətirdikləri faciələrin uşaqların qan yaddaşında möhkəmləndirilməsində belə tədbirlərin əhəmiyyətindən danışdı.
“Təkən” cəmiyyətin sədri Şahin Mustafayev, Uşaq və Gənclər Yaradıcılığı Sarayının direktor müavini Nadejda Pankratova və başqaları çıxış edərək, uşaq təxəyyülünün məhsulu olan rəsmlərdəki mövzu müxtəlifliyindən, təsvir bacarığından söz açdılar.
Bölmənin digər xəbərləri
