Suraxanı Rayon İcra Hakimiyyətinin başçısı Riqada səfərdədir
Riqa, 15 iyul (AZƏRTAC). Bakının Suraxanı Rayon İcra Hakimiyyətinin başçısı İlqar Abbasovun rəhbərlik etdiyi Azərbaycan nümayəndə heyəti Yekabpils şəhəri meri Leonid Saltseviçin dəvəti ilə Riqada səfərdədir.
İlqar Abbasov səfər çərçivəsində Latviyanın ətraf mühit və regional inkişaf naziri Roman Naudinş ilə görüşüb. Görüşdə ətraf mühitin mühafizəsi sahəsində əməkdaşlığın inkişafından razılıq ifadə olunub.
Elə həmin gün nümayəndə heyətimiz Latviyanın kənd təsərrüfatı naziri Yanis Duklavs ilə görüşüb. Görüşdə kənd təsərrüfatı sahəsində əməkdaşlığı dərinləşdirmək imkanları müzakirə edilib.
Azərbaycan nümayəndə heyəti Yekabpils şəhərinin ənənəvi bayramında da iştirak edib, tamaşalarda, konsertlərdə, habelə sənətkarlar bazarında olub, Yekabpils şəhərinin Almaniya, Litva, Polşa və Belarusda qardaşlaşdığı şəhərlərin nümayəndələri ilə tanışlıq xarakterli görüşlər keçirib, gələcək əməkdaşlıq məsələlərini müzakirə edib.
Nigar Cəfərli
AZƏRTAC -ın xüsusi müxbiri
Riqa
Bölmənin digər xəbərləri
