SURİYADA FƏLƏSTİNLİLƏR ÜÇÜN MALİYYƏ YARDIMI YIĞILIR

21.04.2006 [12:39]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Suriyanın Fələstin xalqının dəstəklənməsi komitəsi fələstinlilər üçün maliyyə yardımı yığmağa başlamışdır. Suriya Kommersiya Bankının və İpoteka Bankının bütün iri şəhərlərdəki nümayəndəliklərində hesablar açılmışdır. Suriyanın vitse-prezidenti Faruq Şəraa bildirmişdir ki, Prezident Bəşşar Əsəd suriyalılara Fələstin xalqına və hökumətinə yardım göstərmək imkanı yaradılması barədə şəxsən tapşırıq vermişdir. Ümidvarıq ki, Qərb ölkələri bu vəsaitin terrorizmin maliyyələşdirilməsinə xərclənəcəyini iddia etməyəcəkdir.

Seçkilərdə qalib gəlmiş HƏMAS hərəkatı tərəfindən yaradılmış Fələstin hökuməti Avropa İttifaqı və ABŞ Fələstin Milli Muxtariyyətinin hesablarına vəsait köçürülməsini dayandırdıqdan sonra maliyyə böhranı ilə qarşılaşmışdır. Hökumət dövlət qulluqçularına və güc qurumlarının əməkdaşlarına əməkhaqqı ödəyə bilmir. Fələstin hökuməti ərəb və islam dövlətlərini Muxtariyyətə maliyyə yardımı göstərməyə çağırmışdır. Bu çağırışa İran, Qətər, Səudiyyə Ərəbistanı, Əlcəzair, habelə regionun digər ölkələri qoşulmuşdur.

SURİYADA FƏLƏSTİNLİLƏR ÜÇÜN MALİYYƏ YARDIMI YIĞILIR

MÜƏLLİFLƏ ƏLAQƏ

Bölmənin digər xəbərləri