Tahir Gözəl: Qarşımızda Avropanın güclü komandası olmasına baxmayaraq, futbolçularım çox möhtəşəm mübarizə apardılar
Bakı, 8 mart, AZƏRTAC
Qarşımızda Avropanın güclü komandası olmasına baxmayaraq, futbolçularım çox möhtəşəm mübarizə apardılar. Buna görə bütün kollektivə təşəkkür edirəm.
AZƏRTAC xəbər verir ki, bu sözləri "Qarabağ" klubunun prezidenti Tahir Gözəl UEFA Avropa Liqasının 1/8 final mərhələsində Bakıda Almaniya "Bayer"i ilə 2:2 hesablı heç-heçədən sonra jurnalistlərə açıqlamasında deyib.
O, bu mövsüm Avropanın böyük klublarını arxada qoyaraq rekord qıran "Bayer"ə qarşı bu cür oyun nümayiş etdirdiklərinə görə futbolçuları ilə qürur duyduğunu bildirib: "Son dəqiqələrdə qol buraxmasaydıq, daha bir tarix yazacaqdıq. Ancaq mənim 2014-cü ildə İtaliyanın "İnter" komandası ilə matçdan sonra Prezident İlham Əliyevin dediyi sözlər yadıma düşür. O demişdi ki, siz onsuz tarix yazmısınız və qələbə qazanmasınız. İndi də o zəfərin davamını gətiririk. Hər kəs Qarabağın Azərbaycana məxsus olduğunu bilir. Heç kim ürəyimizdəki alovu söndürə bilməz. Məqsədimiz Avropada sürpriz etməkdir. Düşünürəm ki, "Bayer"lə matçda tam olmasa da, bunu bacardıq".
Qeyd edək ki, komandalar arasında cavab qarşılaşması martın 14-də Leverkuzendə keçiriləcək.
Bölmənin digər xəbərləri
