Tanınmış Amerika teleaparıcısı Corc Stefanopulosda koronavirus aşkarlanıb
Vaşinqton, 14 aprel, AZƏRTAC
Tanınmış Amerika teleaparıcısı, “Amerika, sabahın xeyir” verilişinin aparıcısı Corc Stefanopulosdan koronavirus COVID-19 üçün götürülən testin analizi pozitiv çıxıb.
AZƏRTAC xəbər verir ki, Stefanopulos bu barədə həyat yoldaşı, aktrisa və bestsellerlər müəllifi Ali Ventvort ondan koronavirus COVID-19 üçün götürülmüş testin müsbət nəticə verməsini təsdiqlədikdən iki həftə sonra birbaşa efirdə bəyan edib.
Ventvort virusun yaxınları və tanışları arasında yayılmasının qarşısını almaq məqsədi ilə Stefanopulosların Nyu-Yorkdakı evində özünütəcrid edib.
Bazar ertəsi günü ABŞ-da COVID-19 virusuna yoluxanların sayı 587.000 nəfərdən çox olub, bu virusdan ölənlərin sayı isə 23.644 nəfərə çatıb.
AZƏRTAC-ın Vaşinqton bürosu
Bölmənin digər xəbərləri
