Tarkan Rusiyada konsert verəcək
Moskva, 29 mart, AZƏRTAC
Tanınmış türk müğənnisi Tarkan Rusiyada konsert proqramı ilə çıxış edəcək.
AZƏRTAC xəbər verir ki, Tarkan özünün “10” albomunu təqdim etmək üçün bu ilin mayında Moskvada və Kazanda konsertlər verəcək. Bu barədə “S.A. Organization” qastrolların təşkili şirkəti məlumat yayıb.
Tarkan mayın 11-də Kazanda, mayın 14-də isə Moskvada, “Crocus City Holl” konsert zalında çıxış edəcək.
Sonuncu dəfə türk pop ulduzu Moskva tamaşaçıları qarşısına 2009-cu ildə çıxıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
