TASİSİN REGİONAL LAYİHƏLƏRİ AVROPA KOMİSSİYASI İLƏ RAZILAŞDIRILMIŞDIR

15.11.2003 [14:54]
Çap et
A⁺ A^-

TASİS-in keçən il üçün regional fəaliyyət proqramının iki layihəsinin razılaşdırılmaq üçün Avropa Komissiyasına təqdim edilmiş texniki tapşırıqları tamamilə bəyənilmişdir. Bunu AZƏRTAC-ın müxbirinə Avropa Birliyinin (AB) Azərbaycana texniki yardım proqramlarının Əlaqələndirmə bürosundan bildirmişlər.

Qeyd olunmuşdur ki, “Qlobal iqlim dəyişikliyi ilə bağlı öhdəliklər üzrə Azərbaycan, Gürcüstan, Ermənistan və Moldovaya texniki yardım” və “Xəzər ekoloji proqramı: balıq ehtiyatlarının sabit idarə edilməsi” layihələri üzrə işlərə 2,13 milyon avro ayrılmışdır. İndi Avropa Komissiyasi layihələri həyata keçirməyə başlayacaq kontraktor şirkətlərin müəyyən olunması ilə bağlı tender keçirməlidir.

İlkin məlumata görə, layihələrin gerçəkləşdirilməsinə 2004-cü ilin birinci rübündə başlana bilər.