Tatarıstanın paytaxtında “Rusiya – İslam dünyası: KazanForum” XV Beynəlxalq İqtisadi Forumu keçirilir
Moskva, 15 may, AZƏRTAC
Tatarıstanın paytaxtında keçirilən “Rusiya – İslam dünyası: KazanForum” XV Beynəlxalq İqtisadi Forumunun əsas proqramı çərçivəsində “Russia Halal Expo” sərgisi açılır. Sərgidə texnologiyalar, İslam iqtisadiyyatı sahəsində investisiya potensialı və nailiyyətlər nümayiş etdiriləcək.
AZƏRTAC xəbər verir ki, mayın 15-də Rusiya Federasiyasının Baş Prokurorluğu “İslam dünyası ilə biznes əlaqələrinin genişlənməsi şəraitində iqtisadi təhlükəsizlik zəmanəti və təhdidlərin aradan qaldırılması” mövzusunda müşavirə keçirəcək, habelə İƏT-ə üzv ölkələrin gənc diplomatlarının və sahibkarlarının forumları, eləcə də ticarət-sənaye palatalarının beynəlxalq forumu açılacaq.
“Tatneft Arena” buz idman sarayında İslam ölkələrində hokkeyin inkişafı təşkilatının hokkey oyunları keçiriləcək. Həmçinin İslam ölkələrinin gənc aşpazlarının Yunus Ahmetzyanov adına beynəlxalq turniri başlayacaq.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
