Tədris Mərkəzinin əməkdaşı beynəlxalq elmi-praktik konfransda iştirak edib
Bakı, 3 may, AZƏRTAC
Rusiya Federasiyasının Prezidenti yanında Xalq Təsərrüfatı və Dövlət İdarəçilik Akademiyasının filialı olan Şimal-Qərb İdarəetmə İnstitutu və Rusiya Elmlər Akademiyasının Regional İqtisadi Problemlər İnstitutu tərəfindən “Dövlət və biznes. Sosial-iqtisadi inkişafın istiqamətləri” mövzusunda beynəlxalq elmi-praktik konfrans keçirilib. Tədbirdə Azərbaycanı DVX-nın Tədris Mərkəzinin əməkdaşı təmsil edib.
AZƏRTAC Dövlət Vergi Xidmətinə istinadla xəbər verir ki, konfransda rəqəmsal iqtisadiyyat, biznes-informatika, sosial-iqtisadi proseslərin riyazi modelləşdirilməsi, iqtisadi təhlükəsizlik, ictimai-xüsusi partnyorluğun nəzəriyyəsi və təcrübəsi, dünya iqtisadiyyatının müasir çağırışları və bu kimi digər aktual mövzular ətrafında müzakirələr aparılıb.
Tədris Mərkəzinin Elm, innovasiya və əməkdaşlıq şöbəsinin rəisi Nazim Əliyev konfransın plenar iclasında “Vergi sistemi dövlətin iqtisadi təhlükəsizliyinin zəmanətlərindən biri kimi - Azərbaycan təcrübəsi” mövzusunda məruzə ilə çıxış edib və tədbirin Təşkilat Komitəsi tərəfindən mükafatlandırılıb.
Bölmənin digər xəbərləri
