TEHRANDA XƏZƏR DƏNİZİNDƏ ƏTRAF MÜHİTİN MÜHAFİZƏSİNƏ DAİR BİRGƏ KONVENSİYA İMZALANMIŞDIR
Xəzəryanı ölkələrin nümayəndələrinin Tehranda keçirilmiş konfransının yekunlarına əsasən, Xəzər dənizində ətraf mühitin mühafizəsinə dair çərçivə konvensiyası imzalanmışdır. Bu konvensiya sahilyanı ölkələrin Xəzər dənizində ekoloji fəlakətin yolverilməzliyi üzrə səylərinin birləşdirilməsinin zəruriliyini təsbit edən ilk sənəddir. Konfransda Azərbaycan nümayəndə heyətinə ekologiya və təbii sərvətlər naziri Hüseynqulu Bağırov başçılıq etmişdir. Türkmənistan nümayəndə heyəti konfransda iştirak etsə də, konvensiyaya qoşulmamışdır.
Sənədi imzalayan ölkələr bioloji ehtiyatları qorumaq, saxlamaq və bərpa etmək, dəniz mühitinə ziyan vurmamaqla Xəzərin digər ehtiyatlarından istifadə etmək, konvensiyanın məqsədlərinə nail olmaq üçün bir-birilə və səlahiyyətli beynəlxalq təşkilatlarla əməkdaşlıq etmək sahəsində səyləri birləşdirmək qərarına gəlmişlər.
Bölmənin digər xəbərləri
