ELM VƏ TƏHSİL
TƏHSİL OCAĞI 100 YAŞINI QEYD EDİR
Tərtər şəhərindəki 1 saylı orta məktəbin 100 yaşı tamam olmuşdur.
Rayonun ən qocaman tədris ocağı əvvəllər bir neçə sinifli məktəb kimi fəaliyyət göstərmiş, 1943 –cü ildə orta məktəbə çevrilmişdir. Mərhum akademik İmam Mustafayev bu məktəbin ilk direktorlarından olmuşdur. İndiyədək məktəbi 3806 nəfər şagird bitirmişdir.
Məzunlar arasında görkəmli alimlər, hərbçilər, müxtəlif peşə sahibləri vardır. Akademik Vahid Hacıyev, professor Seyfəddin Qəndilov, tibb elmləri doktoru Həsən Sultanov, iqtisad elmləri doktoru Novruz Quliyev və başqaları bu məktəbi bitirmişlər.
Hazırda təhsil ocağında 1100 şagird təhsil alır. Onların təlim-tərbiyəsi ilə 140 müəllim məşğul olur. Bu il məktəbin 30 məzunu respublikamızın ali məktəblərinə qəbul olunmuşdur.
Qocaman təhsil ocağı bu günlərdə 100 yaşını qeyd edəcəkdir.