TƏMƏNNASIZ KREDİT HESABINA MƏKTƏBLƏR TİKİLƏCƏK
Azərbaycan Respublikası Ərazilərinin Bərpası və Yenidən Qurulması üzrə Agentlikdən AZƏRTAC-a verilən məlumata görə, işğaldan azad olunmuş və zərər çəkmiş ərazilərin bərpası Proqramının növbəti mərhələsində görüləcək işlər beynəlxalq təşkilatların nəzarəti altında tam şəffaf və ciddi rəqabət zəminində həyata keçirilir. Səudiyyə İnkişaf Fondunun ayırdığı təmənnasız kredit çərçivəsində Bakı şəhərində 6028 şagird yeri olan 5 məktəb inşa olunacaqdır. Bu məktəblərin müasir, dünya standartlarıına cavab verən səviyyədə tikilməsi və avadanlıqla təchiz edilməsi nəzərdə tutulmuşdur. Layihəni həyata keçirmək üçün tender sənədləri hazırlanır. Yeni məktəblərin 2005-ci ildə istifadəyə verilməsi nəzərdə tutulmuşdur.
Bölmənin digər xəbərləri
