TƏRƏFDAŞLIQ YENİ İMKANLAR YARADIR
“Siemens AG” şirkəti sənaye kommunikasiyaları sahəsində biznes üzrə yeni tərəfdaş seçməyi qərara almışdır.
Şirkətin mətbuat xidmətindən AZƏRTAC-a verilən məlumata görə, amerikalı investor - “Gores Group” qrupu “Siemens Enterprise Communications” (SEN) şirkətində 51 faiz payçı kimi iştirak edəcəkdir. “Gores”in təsisçisi və idarə heyətinin sədri Alek Qores demişdir: “Bİz sənaye şəbəkə və kommunikasiya həlləri sahəsində fəaliyyətimizi gücləndirmək istəyirik. “Siemens”lə tərəfdaşlıq bizim üçün çox yaxşı imkanlar açır”.
“Siemens” özü “Siemens Enterprise Communications”un kapitalında 49 faizlik payını saxlayacaqdır. Şirkətin baş maliyyə direktoru Co Kayzer demişdir: “Biz üç istiqamət üzrə - energetika, sənaye və səhiyyə sahələrində fəaliyyətimizi məqsədyönlü şəkildə davam etdirəcəyik. Xüsusən texnologiya və telekommunikasiyalar sahəsində “Gores Group”un şəxsində çox təcrübəli bir tərəfdaş tapmışıq. SEN öz müəssisələrindən ikisinin aktivlərini “Gores Group”a verməklə mövqelərini möhkəmlədəcəkdir. Əminik ki, uzunmüddətli perspektivdə bu qərar həm əməkdaşlarımıza, həm də müştərilərimizə faydalı olacaqdır.
Bölmənin digər xəbərləri
