TƏRTƏRDƏ AQRAR SAHƏ SÜRƏTLƏ İNKİŞAF EDİR
Bakı, 25 mart (AZƏRTAC). Kənd təsərrüfatı məhsulları istehsalçılarına subsidiyaların verilməsi, güzəştli şərtlərlə gübrələrin satılması Tərtərdə də aqrar sahənin sürətli inkişafına təkan vermişdir.
Rayon icra hakimiyyətinin başçısı Vidadi İsayev demişdir ki, əkin sahələri 1,4 dəfə artmış, rayonun tarixində ilk dəfə olaraq 2009-cu ildə 73 min ton yüksək keyfiyyətli taxıl istehsal edilmişdir. Belə yüksəlişi şərtləndirən səbəblərdən birini xüsusi qeyd etmək istəyirəm. Əsas suvarma mənbəyi olan Sərsəng su anbarının işğalından sonra tərtərlilər daim suvarma suyu problemi yaşamışlar. Ölkə başçısının 2006-cı il 24 mart tarixli Sərəncamı ilə təsdiq edilmiş “Azərbaycan Respublikasının Ağdam, Bərdə və Tərtər rayonlarının sosial-iqtisadi inkişafının sürətləndirilməsinə dair Tədbirlər Planı”na uyğun olaraq rayonumuzda 50 yeni subartezian quyusu qazılmış, 400-ü bərpa edilmişdir. 100 hidroqurğu yenidən qurulmuş, torpaqlar meliorativ cəhətdən yaxşılaşdırılmışdır.
Bölmənin digər xəbərləri
