Tərtərdə evin mətbəxində baş verən partlayış nəticəsində bir nəfər xəsarət alıb
Bakı, 14 mart, AZƏRTAC
Tərtər rayonunda ümumi sahəsi 160 kvadratmetr olan birmərtəbəli üçotaqlı evin mətbəxində partlayış baş verib.
Fövqəladə Hallar Nazirliyindən AZƏRTAC-a bildiriblər ki, partlayış dalğasının təsirindən mətbəxdə iki pəncərənin çərçivəsi dağılıb. Yanğın hadisəsi baş verməyib. Hadisə zamanı bir nəfər xəsarət alıb. İlkin ehtimala görə, partlayış qaz sızmasından baş verib.
Hadisə ilə əlaqədar müvafiq qurumlar tərəfindən təhqiqat aparılır.
Bölmənin digər xəbərləri
