TƏZƏ TANKERLƏRİN ALINMASI ÜÇÜN MÜQAVİLƏ İMZALANMIŞDIR
Azərbaycan Dövlət Xəzər Dəniz Gəmiçiliyi tərəfindən tankerlər alınması ilə bağlı elan olunmuş tenderə yekun vurulmuşdur. Tenderdə Rusiya Federasiyasının Nijni Novqorod şəhərindəki “Krasnoye Sormovo” gəmiqayırma zavodu qalib gəlmişdir.
Oktyabrın 8-də Bakıda Gəmiçiliyin və zavodun rəhbərləri arasında keçirilən görüşdə 4 tankerin alınması barədə müqavilə imzalanmışdır. Gəmiçiliyin bilavasitə öz vəsaiti hesabına alinacaq, texniki göstəricilərinə - mühərriklərinin gücünə, rabitə və digər zəruri vasitələrlə təchizatına görə beynəlxalq standartlara cavab verəcək həmin gəmilərin marketinq baxımından qiyməti çox sərfəlidir.
Müqaviləyə əsasən yükgötürmə qabiliyyəti 8 min ton olan 2 tankerin 2003-cü ildə, 12 min tonluq 2 tankerin isə 2004-cü ildə Gəmiçiliyə təhvil verilməsi nəzərdə tutulmuşdur.
Bölmənin digər xəbərləri
