Tokio məhkəməsi Karlos Qonu girov müqabilində azad edib
Tokio, 5 mart, AZƏRTAC
Tokio dairə məhkəməsi “Nissan” şirkətinin direktorlar şurasının sabiq sədri Karlos Qonun girov müqabilində azad edilməsi barədə qərar qəbul edib.
AZƏRTAC xəbər verir ki, bu barədə NHK telekanalı məlumat yayıb. 64 yaşlı K.Qon 3 dəfə girov müqabilində azad edilməsi üçün xahişlə müraciət edib. K.Qonun martın 5-də günün sonuna doğru həbsdən azad ediləcəyi gözlənilir. O, 107 gündür ki, həbsdədir.
Bununla yanaşı, prokurorluğun məhkəmənin qərarından apelyasiya verəcəyi də gözlənilir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
