Tovuzda müstəqil Azərbaycanın ilk Konstitusiyasının qəbul edilməsinin 18-ci ildönümü qeyd olunmuşdur
Tovuz, 12 noyabr (AZƏRTAC). Tovuz Rayon İcra Hakimiyyətində müstəqil Azərbaycan Respublikasının ilk Konstitusiyasının qəbul edilməsinin 18-ci ildönümü qeyd olunmuşdur.
AZƏRTAC xəbər verir ki, tədbirdə rayon icra hakimiyyətinin başçısı Tofiq Zeynalov 18 il əvvəl, 1995-ci il noyabrın 12-də ümummilli lider Heydər Əliyevin rəhbərliyi ilə müstəqil Azərbaycan dövlətinin Əsas Qanununun qəbul edilməsini ölkəmizin tarixində mühüm ictimai-siyasi hadisə kimi qiymətləndirmişdir. Bildirilmişdir ki, Konstitusiyada təsbit olunmuş demokratik prinsiplər, o cümlədən yerlərdə özünüidarəetmənin təşkili, hakimiyyət bölgüsü, insan hüquq və azadlıqlarının qorunması milli dövlətçiliyimizin və demokratiyanın formalaşmasına və inkişafına yol açmışdır.
Tədbirdə çıxış edənlər müstəqil Azərbaycan dövlətinin memarı və qurucusu, ümummilli lider Heydər Əliyevin rəhbərliyi ilə hazırlanan və qəbul edilən Konstitusiyanın ölkədə demokratik, hüquqi və dünyəvi dövlət quruculuğu üçün əsaslı zəmin yaratdığını vurğulamış, respublikamızda bərqərar olan demokratik prinsiplərin Prezident İlham Əliyev tərəfindən uğurla inkişaf etdirildiyini diqqətə çatdırmışlar.
Bölmənin digər xəbərləri
