TOVUZDA TAXIL BİÇİNİ DAVAM EDİR
Tovuz, 9 iyul (AZƏRTAC). Rayon icra hakimiyyətindən bildirmişlər ki, 12 min 780 hektar sahədə bol taxıl yetişdirən sahibkarlar artıq bir neçə gündür biçinə başlamışlar. Məhsulu vaxtında və itkisiz yığmaq üçün biçinə 40-dan artıq kombayn cəlb olunmuşdur.
Fermerlər artıq 750 hektar zəmini biçmişlər. Biçilən sahələrdən 1.260 ton məhsul tədarük edilmişdir. Arpa əkilən sahələrdə orta məhsuldarlıq hektardan 25 sentner, buğda əkilən sahələrdə isə 30,4 sentner olmuşdur. Sahələrdəki bol məhsul sahibkarların 30 min tondan artıq taxıl istehsal edəcəklərindən xəbər verir.
Bölmənin digər xəbərləri
