“Sabah” qabonlu futbolçunun transfer hüquqlarına yiyələnib
Bakı, 16 iyun, AZƏRTAC
“Sabah” hücumçu Patrik Orfe Mbinanın transfer hüquqlarına yiyələnib.
Klubdan AZƏRTAC-a bildirilib ki, 25 yaşlı futbolçunun icarəsi ilə bağlı Sloveniyanın “Maribor” klubu ilə bağlanmış müqavilədə nəzərdə tutulan transfer bəndi qüvvəyə minib. Qabonlu futbolçu ilə yeni, 3 illik müqavilə imzalanıb.
Mbina bu ilin fevral ayından “Sabah”ın uğurları üçün çalışır. O, paytaxt təmsilçisinin heyətində 11 oyun keçirib, 3 qol vurub və 1 məhsuldar ötürmə edib.
Bölmənin digər xəbərləri
