“Trabzonspor”un hücumçusu “Leyptsiq”ə transfer olunub
Bakı, 22 sentyabr, AZƏRTAC
Türkiyənin “Trabzonspor” futbol klubunun hücumçusu Aleksander Sorlot Almaniyanın “Leyptsiq” komandasına transfer olunub.
AZƏRTAC klubun saytına istinadla xəbər verir ki, Bundesliqa təmsilçisinin bu transfer üçün Superliqa klubuna 20 milyon təzminat ödəyəcəyi bildirilib. Bu məbləğin yarısının hücumçunun müqavilə ilə məxsus olduğu “Kristal Pelas”a veriləcəyi qeyd olunub.
Qeyd edək ki, 24 yaşlı norveçli hücumçu ötən il “Trabzonspor”a keçib. Onun Türkiyə təmsilçisi ilə icarə müqaviləsi gələn ilin yayında başa çatırdı.
Bölmənin digər xəbərləri
