Tramp 62 il sonra “Alkatraz” həbsxanasını bərpa edir
Vaşinqton, 5 may, AZƏRTAC
ABŞ-da məşhur keçmiş “Alkatraz” həbsxanasını yenidən fəaliyyət göstərəcək.
AZƏRTAC xəbər verir ki, bu barədə ABŞ Prezidenti Donald Tramp göstəriş verib. O bildirib ki, ABŞ uzun müddətdir ki, amansız və zorakı cinayətkarlarla qarşılaşır.
“Biz keçmişdə daha ciddi bir millət olanda xəsarət yetirəcəkləri insanlardan uzaqlaşdırmaq üçün bu təhlükəli cinayətkarları qapalı tutmaqdan çəkinmirdik. Ona görə də bu gün mən Həbsxanalar Bürosuna Ədliyyə Departamenti, FTB və Daxili Təhlükəsizlik Departamenti ilə birlikdə Amerikanın ən amansız və zorakı cinayətkarlarının saxlanılması üçün “Alkatraz” həbsxanasını yenidən açmağa, genişləndirməyə və bərpa etməyə göstəriş verirəm”,- deyə Tramp əlavə edib.
“Alkatraz” həbsxanası ABŞ-ın Kaliforniya ştatında, San-Fransisko körfəzində eyni adlı adada yerləşir. Həbsxana sərt rejimi və oradan qaçmağın mümkün olmaması ilə tanınıb. 1934-cü ildə açılmış həbsxana 1963-cü ildə yüksək saxlanma xərcləri və infrastrukturun köhnəlməsinə görə bağlanıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
