Tramp rəqibi Baydenin seçki yarışından çəkiləcəyini düşünür
Bakı, 4 iyul, AZƏRTAC
Respublikaçılar partiyasının namizədi, ABŞ-ın sabiq prezidenti Donald Trampın fikrincə, iyunun 27-də keçirilən uğursuz debatdan sonra hazırkı dövlət başçısı Cozef Bayden öz namizədliyini geri götürəcək.
AZƏRTAC “The Daily Beast” portalına istinadla xəbər verir ki, Donald Tramp bundan sonra Demokratlar partiyasının vitse-prezidenti Kamala Harrisin namizədliyini irəli sürəcəyini və onunla rəqabət aparmağın daha asan olacağını düşünür.
Qeyd edək ki, ABŞ-da prezident seçkiləri noyabrın 5-nə təyin olunub. Tramp və Bayden mənsub olduqları partiyalar tərəfindən dövlət başçısı postuna namizəd kimi irəli sürülmələri üçün lazımi miqdarda nümayəndə səsini toplayıb. Partiyalar onların namizədliyini yayın sonlarında təsdiqləməlidir.
Bölmənin digər xəbərləri
