Tramp Rusiyanın G7 sammitinə qayıtmasının mümkünlüyünü şərh edib
Bakı, 26 avqust, AZƏRTAC
ABŞ Prezidenti Donald Tramp Rusiyanın Yeddilər qrupunun (G7) ABŞ-da keçiriləcək növbəti sammitinə qatılmasının faydalı olacağını hesab edir.
AZƏRTAC Rusiya KİV-lərinə istinadla xəbər verir ki, ABŞ prezidentinin sözlərinə görə, Fransanın Biarrits şəhərində keçirilən görüşdə “Böyük səkkizlik” formatının bərpası məsələsi qaldırılıb. “Biz bu mövzunu müzakirə etdik. Səsvermə, yaxud bənzər prosedur keçirilməsə də, biz Rusiya barədə danışdıq. Mən bu məsələdə “hə” deməyin tərəfdarıyam”, - deyə Donald Tramp bildirib.
Kreml ABŞ prezidentinin şərhinə cavab olaraq Donald Trampın çağırışını təxribat saymadığını, lakin bir ölkənin təklifi ilə G7-yə qoşulmağın mümkün olmadığını vurğulayıb.
Qeyd edək ki, “Böyük səkkizlik” formatı 1998-ci ildən fəaliyyətə başlayıb. 2014-cü ildə Ukrayna ətrafında baş verən hadisələr fonunda klubun üzvləri Soçidə keçirilməsi nəzərdə tutulan növbəti sammitə getməyib və Brüsseldə Rusiyasız, yəni G7 formatında toplaşıblar.
Bölmənin digər xəbərləri
