TÜRKİYƏ-AZƏRBAYCAN ƏLAQƏLƏRİ ÇOX SÜRƏTLƏ İNKİŞAF EDİR VƏ İNDİ ƏN YÜKSƏK ZİRVƏDƏDİR
AZƏRTAC xəbər verir ki, bu fikri Prezident İlham Əliyev Türkiyənin “Cümhuriyyət” qəzetinə müsahibəsində söyləmişdir. Dövlətimizin başçısı vurğulamışdır ki, Bakıda, Ankarada və beynəlxalq qurumlar çərçivəsində təmaslarımız çox güclüdür. Müxtəlif səviyyəli çoxsaylı görüşlər sistematik xarakter daşıyır. Bu, deməyə əsas verir ki, əlaqələrimiz daha da möhkəmlənir. Bakı-Tbilisi-Ceyhan, Bakı-Tbilisi-Ərzurum neft və qaz kəmərləri, gələcəkdə Bakı-Tbilisi-Qars dəmir yolunun həyata keçirilməsi ancaq birgə fəaliyyətimizin nəticəsində mümkündür.
Bölmənin digər xəbərləri
