TÜRKİYƏDƏ PKK TERRORÇULARI 3 ALMAN ALPİNİSTİNİ OĞURLAMIŞLAR
AZƏRTAC-ın xüsusi müxbiri xəbər verir ki, Türkiyənin Doğubəyazit rayonunda çadır qurmuş və Ağrı dağına çıxmış 13 alman turistindən 3-ü PKK terrorçuları tərəfindən oğurlanmışdır.
Ağrı vilayətinin valisi Məhmət Çətinin bildirdiyinə görə, alman alpinistləri Türkiyə Xarici İşlər Nazirliyinin müraciəti əsasında üç gün əvvəl Ağrı dağına gəlmişlər. 3 min 200 metr yüksəklikdə çadır quran almanların yerlışdiryi yerə 5 nəfər PKK silahlısı gələrək, onlardan 3-nü girov götürmüşlər. Jandarm qoşunları alpinistləri tapmaq üçün əməliyyata başlamışdır. Digər turistlər rayon mərkəzinə gətirilmişlər.
Türkiyədə bu hadisəni Almaniyanın son aylarda PKK terror təşkilatına qarşı sərt mövqeyi ilə əlaqələndirirlər.
Bölmənin digər xəbərləri
