Türkiyəli nazir: Ankara Aktauda baş verən təyyarə qəzası məsələsində Bakı ilə əməkdaşlığa hazırdır
Ankara, 26 dekabr, AZƏRTAC
Türkiyənin nəqliyyat və infrastruktur naziri Əbdülkadir Uraloğlu “Azərbaycan Hava Yolları”na (AZAL) məxsus sərnişin təyyarəsinin Aktau yaxınlığında qəzaya uğraması məsələsində Ankaranın Azərbaycana hərtərəfli dəstək verməyə hazır olduğunu açıqlayıb.
Nazirliyin mətbuat xidmətindən AZƏRTAC -a bildiriblər ki, Ə.Uraloğlu Azərbaycanın rəqəmsal inkişaf və nəqliyyat naziri Rəşad Nəbiyevlə telefon danışığında AZAL-ın təyyarəsində baş vermiş qəza ilə bağlı müzakirə aparıb.
Türkiyəli nazir Ankaranın bu məsələdə Azərbaycanla əməkdaşlığa hazır olduğunu vurğulayıb. Türkiyə Nəqliyyat və İnfrastruktur Nazirliyinin rəhbəri də sosial şəbəkələrdə Azərbaycan və Qazaxıstana verdiyi başsağlığı mesajını paylaşıb.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
