TÜRKMƏNİSTANDA KOMMERSİYA BANKLARININ VALYUTA VƏSAİTİ XARİCİ BORCLARIN ÖDƏNİLMƏSİNƏ SƏRF EDİLƏCƏK
Türkmənistan Prezidentİ ölkənin bütün kommersiya banklarının valyuta vəsaitlərindən əvvəllər aqrar sənaye kompleksinə cəlb olunmuş xarici borcların ödənilməsi üçün istifadə edilməsi haqqında sərəncam vermişdir. Türkmənistan Nazirlər Kabinetinin son üç iclası cari ilin pambıq kampaniyasında uğursuzluğun səbəblərinin araşdırılmasına və aqrar sektora yönəldilmiş vəsaitin qaytarılması mexanizminin işlənib hazırlanmasına həsr olunmuşdur. İTAR-TASS-ın verdiyi xəbərə görə, iclasların yekunlarına əsasən, dövlət başçısı “Türkmənistan banklarının xarici valyuta ilə apardığı əməliyyaiların nizamlanması haqqında” qərar imzalamışdır.
Xarici borcların ödənilməsi üçün Türkmənistan Mərkəzi Bankına kommersiya banklarının xarici valyuta depozitlərindən istifadə etmək, habelə xarici borclar üzrə öhdəlikləri yerinə yetirən aqrar sənaye assosiasiyaları üçün ildə 2 faizlə kredit xətləri açmaq hüququ verilmişdir.
Bölmənin digər xəbərləri
