TÜRKMƏNİSTANDA QOVUN GÜNÜ QEYD EDİLDİ
Bu bayram 1994-cü ildə prezident Saparmurad Niyazovun fərmanı ilə təsis olunmuşdur və türkmən yemişinin bütün dünyada şöhrətini dirçəltməli və bu bostan bitkisinə diqqəti artırmalıdır.
Türkmənistan arxeoloqları hesab edirlər ki, bostançılıq ölkədə hələ antik dövrdə meydana gəlmişdir. Mərvdəki (indiki Marı) qədim Gavrqala şəhərində (eramızdan əvvəl 4-cü əsr) qazıntı işləri aparılarkən tapılan yemiş tumları bunu sübut edir.
Türkmənistanda ən məşhur xalq seleksiyaçısı Durdı Nepesovun həyətyanı sahəsində 100 növdən artıq türkmən yemişi vardır, ölkədə isə 400- növdən çox qovun yetişdirilir.
Bayram günü “Qızıl yemiş”, “Ən böyük qarpız” və “Ən böyük boranı” müsabiqələrinə yekun vurulmuşdur. Məsələn, Daşoğuz vilayətinin ən yaxşı yemişi 12,5 kiloqram, qarpızı isə 18 kiloqramdır.
Yemiş gününə həsr olunmuş tədbirlərdə folklor qrupları, musiqi ansamblları iştirak etmişdir.
Bölmənin digər xəbərləri
