Ucarda 12 min hektardan çox sahədə payızlıq taxıl əkilib
Ucar, 18 noyabr, AZƏRTAC
Ucar rayonunda cari mövsümdə 14 min 400 hektardan çox sahədə payızlıq taxıl əkiləcəyi proqnozlaşdırılır və artıq 12 min 129 hektarda səpin aparılıb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumatda bildirilir ki, əkin aparılan sahələrin 5104 hektarı buğda, 7025 hektarı isə arpadır. Hazırda hər gün sahələrə 35-dən çox səpin aqreqatı çıxarılır. Rayonun bütün ərazilərində, xüsusilə Müsüslü, Yuxarı Şilyan, Qazıyan, Boyat və bir sıra digər icra nümayəndəliklərində taxıl əkini daha mütəşəkkil aparılır. Hər yerdə fermerlər və fiziki şəxslər bu mühüm kampaniyanın tezliklə, yüksək aqrotexniki tələblər səviyyəsində başa çatdırılması üçün ciddi səy göstərirlər.
Bölmənin digər xəbərləri
