ÜÇ YAŞLI YASİNİN ANASI NAMAZ ÜSTƏ İMİŞ
Türkiyənin Bolu şəhərində yaşayan üç yaşlı Yasinin, necə deyərlər, anası namaz üstə imiş. O, beşinci mərtəbədən yıxılsa da, sağ qalıb. Valideynlərinin diqqətindən yayınıb, eyvana çıxan Yasin millərin arasından asanlıqla keçərək, beşinci mərtəbədən aşağı yuvarlanmışdır. Ancaq xoşbəxtlikdən, ikinci mərtəbənin eyvanından asılmış pərqu yorğana ilişib astaca çəmənliyə düşmüşdür.
Bir göz qırpımında pillələri enib, özünü balasının yanına yetirən valideynləri Yasini sağ-salamat görmüşlər. Daha çox valideynlərin dəhşətli fəryadından qorxuya düşən qonşular təcili tibbi yardım çağırmışlar. Balaca Yasini ətraflı müayinə edən həkimlər – bir cızığı belə yoxdur, Allah saxlayıb – demişlər.
Bölmənin digər xəbərləri
