UEFA Konfrans Liqası: "Fənərbağça" klubu "Slaviya Praqa" komandasını qəbul edəcək
Bakı, 17 fevral, Nicat Məmmədov, AZƏRTAC
Bu gün UEFA Konfrans Liqasında pley-off mərhələsinin ilk oyunlarına start veriləcək.
AZƏRTAC xəbər verir ki, 8 qarşılaşmanın hamısı eyni gündə keçiriləcək.
Gecənin maraqla gözlənilən oyunlarından biri Türkiyədə baş tutacaq. Ölkənin turnirdəki yeganə təmsilçisi "Fənərbağça" Çexiyanın "Slaviya Praqa" komandasını qəbul edəcək. Qarşılaşma Bakı vaxtı ilə saat 21:45-də start götürəcək.
Azərbaycan futbolu tarixində ilk dəfə qrup mərhələsini adlayan "Qarabağ" bu raundda Fransa "Marsel"inin qonağı olacaq. "Velodrom" stadionunda oynanılacaq görüş Bakı vaxtı ilə saat 00:00-da başlayacaq.
Günün bütün görüşləri aşağıdakılardır:
PSV (Niderland) - "Makkabi Təl-Əviv" (İsrail);
"Fənərbağça" (Türkiyə) - "Slaviya Praqa" (Çexiya);
"Midtüllan" (Danimarka) - PAOK (Yunanıstan);
"Rapid Vyana" (Avstriya) - "Vitess" (Niderland);
"Marsel" (Fransa) - "Qarabağ" (Azərbaycan);
"Lester Siti" (İngiltərə) - "Randers" (Danimarka);
"Seltik" (Şotlandiya) - "Budyo Qlimt" (Norveç);
"Sparta Praqa" (Çexiya) - "Partizan" (Serbiya).
Qeyd edək ki, komandalar arasında cavab matçları fevralın 24-də olacaq.
Bölmənin digər xəbərləri
