UKRAYNA SƏRHƏDÇİLƏRİ QADIN ALVERİ İLƏ MÜBARİZƏ APARIRLAR

10.07.2006 [19:22]
Çap et
A⁺ A^-

AZƏRTAC Ukrinforma istinadla xəbər verir ki, Ukrayna sərhədçiləri bu ilin altı ayı ərzində MDB vətəndaşı olan 29 qadının alver məqsədi ilə sərhəddən keçirilməsinin qarşısını almış, insan alveri ilə məşğul olan 21 nəfəri tutmuşlar. Bunu Ukrayna Dövlət Sərhəd Xidmətindən (DSX) bildirmişlər.

Bundan əlavə, 9394 qeyri-leqal miqrant aşkar edilmiş, sərhədi qanunsuz keçərkən 2085 nəfər yaxalanmış, 6400 əcnəbi ölkə ərazisinə buraxılmamış, qanunu pozan 2290 əcnəbi vətənə yola salınmışdır.

DSX bölmələrinin operativ fəaliyyəti sayəsində 211 cinayətkar qruplaşma aşkara çıxarılmışdır ki, bu da ötən illə müqayisədə təqribən 2 dəfə çoxdur. 55 kiloqram narkotik maddəni qaçaqmalçılıq yolu ilə sərhəddən keçirmək cəhdinin qarşısı alınmışdır.

UKRAYNA SƏRHƏDÇİLƏRİ QADIN ALVERİ İLƏ MÜBARİZƏ APARIRLAR

MÜƏLLİFLƏ ƏLAQƏ

Bölmənin digər xəbərləri