Ukraynada fəaliyyət göstərən “SOCAR” YDM-də qeyri-adi tablo asılmışdır
Bakı, 15 noyabr (AZƏRTAC). Kiyevdə Borispol yolu üzərində fəaliyyət göstərən SOCAR-ın yanacaqdoldurma məntəqəsində (YDM) sərnişinlər üçün faydalı ola biləcək servis istifadəyə verilmişdir.
«SOCAR Energy Ukraine» şirkətinin baş direktoru Elçin Məmmədov AZƏRTAC-a bildirmişdir ki, YDM-də quraşdırılmış onlayn-tabloda “Borispol” beynəlxalq hava limanındakı aviareyslər haqqında məlumat yerləşdirilir. Tabloya məlumatlar mütəmadi olaraq “Borispol” hava limanının informasiya xidməti tərəfindən daxil olur. Bu, “SOCAR” YDM müştərilərinə aviasreyslər haqqında (uçuş, eniş, uçuşların təxirə salınması, qeydiyyat) dəqiq və ətraflı məlumat almağa imkan verir.
YDM-də fəaliyyət göstərən “Buta kafe”də Wi-Fi, printer, noutbuklardan pulsuz istifadə etmək mümkündür. Avtomobillə YDM-dən hava limanına 5 dəqiqə ərzində çatmaq olar. Ukraynada fəaliyyət göstərən “SOCAR” YDM-lərdə alıcılara keyfiyyətli yanacaq təklif olunmaqla yanaşı, komfortlu xidmət də göstərilir.
Bölmənin digər xəbərləri
