Ukraynada koronavirusdan ölənlərin sayı 100-ə yaxınlaşıb
Kiyev, 14 aprel, AZƏRTAC
Ukraynada son sutkada 270 nəfər koronavirusa yoluxub. Bununla da ölkədə koronavirusa tutulanların sayı 3372 nəfərə çatıb ki, onların 180-nə yaxını uşaqdır.
AZƏRTAC ölkənin Səhiyyə Nazirliyinə istinadla xəbər verir ki, son sutkada 5 nəfər ölüb. Ümumilikdə, koronavirusdan ölənlərin sayı 98 nəfərə çatıb. Koronavirusdan ölənlərin 85 faizində ürək-damar xəstəlikləri, şəkərli diabet, böyrək çatışmazlığı kimi xəstəliklər olub. 97 nəfər tam müalicə olunaraq evlərinə buraxılıb.
Ukraynada koronavirusa yoluxanların 60 faizi 30-59, 20,7 faizi isə 60-100 yaşlı insanlardır.
Qeyd edək ki, ölkədə aprelin 24-dək bütün beynəlxalq uçuşlar dayandırılıb, karantin elan edilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
