UKRAYNANIN “5-Cİ KANAL”ININ CANLI EFİRİNDƏ AZƏRBAYCAN HAQQINDA HƏQİQƏTLƏR SƏSLƏNMİŞDİR
Azərbaycan diplomatı bildirmişdir ki, MDB ölkələri xarici işlər nazirlərinin Moskvada keçirilmiş iclasında Azərbaycan 1932-1933-cü illər Qolodomorunun Ukrayna xalqına qarşı soyqırımı kimi tanınmasında rəsmi Kiyevi dəstəkləmişdir. O xatırlatmışdır ki, bundan əvvəl bolşeviklər daşnaklarla birlikdə Azərbaycan xalqına qarşı da soyqırımı törətmişdilər. Bunu erməni təcavüzkar və terrorçular davam etdirmişlər.
Sonra səfir karbohidrogen ehtiyatlarının Avropa bazarlarına nəqli ilə bağlı Azərbaycanın iri layihələrindən, Bakı-Tbilisi-Ceyhan ixrac boru kəməri istifadəyə verildikdən sonra Ukraynanın tranzit ölkə kimi perspektivlərindən danışmışdır.
T.Əliyev GUAM-ın inkişafına ölkəmizin ciddi münasibət bəslədiyini söyləyərək, bununla bağlı təşkilatın may ayında Kiyevdə keçiriləcək zirvə görüşünün vacibliyini vurğulamışdır.
Sonda Azərbaycan diplomatı teletamaşaçıları Pasxa bayramı münasibətilə təbrik etmiş, ölkəmiz haqqında obyektiv və düzgün məlumat yaydığına görə, proqramın aparıcısı Sergey Slisarenkoya səfirliyin fəxri fərmanını təqdim etmişdir.
Bölmənin digər xəbərləri
