Ulu Öndər hakimiyyətdə olduğu illərdə təhsilin, səhiyyənin və mədəniyyətin inkişafına əvəzsiz töhfələr vermişdir
Balakən, 14 iyul (AZƏRTAC). Yeni Azərbaycan Partiyası (YAP) Balakən rayon təşkilatında ümummilli lider Heydər Əliyevin Azərbaycanda siyasi hakimiyyətə gəlişinin 45-ci ildönümünə həsr olunmuş tədbir keçirildi.
AZƏRTAC xəbər verir ki, təşkilat üzvlərinin, ziyalıların iştirak etdikləri tədbirdə Ulu Öndərin Azərbaycanın tərəqqisi və inkişafı yolundakı əvəzsiz tarixi xidmətlərindən geniş söhbət açıldı. Bildirildi ki, Azərbaycanın dövlətçilik ənənələrinin bərpası, respublikamızın iqtisadi qüdrətinin artması məhz ümummilli lider Heydər Əliyevin Azərbaycanda ilk dəfə hakimiyyətə gəldiyi gündən - 1969-cu il iyulun 14-dən başlanmışdır.
Tədbirdə çıxış edənlər dahi şəxsiyyət Heydər Əliyevin zəngin həyat yolu və çoxsahəli fəaliyyətinin ən önəmli məqamlarına toxundular, Ümummilli Liderin hakimiyyətdə olduğu hər iki dövrdə təhsilin, səhiyyənin, mədəniyyətin inkişafına verdiyi əvəzsiz töhfələrdən geniş bəhs etdilər.
Tədbirin sonunda YAP-ın sıralarına yeni daxil olan gənclərə partiyanın üzvlük vəsiqələri təqdim olundu.
Bölmənin digər xəbərləri
