Ümumi sənaye məhsulunun 79,7 faizi özəl bölmədə istehsal olunmuşdur
Bakı, 12 iyun (AZƏRTAC). Cari ilin yanvar-may aylarında ölkə sənayesinin təsərrüfat subyektləri tərəfindən 14,1 milyard manatlıq məhsul istehsal olunmuş və xidmətlər göstərilmişdir.
Dövlət Statistika Komitəsindən AZƏRTAC-a bildirmişlər ki, emal bölməsində istehsalın həcmi sənayenin ümumi məhsulunun 20,5 faizini təşkil etmişdir. Həmin dövrdə tikinti materiallarının, hazır metal məmulatların və digər məhsulların istehsalında daha çox artım qeydə alınmışdır.
Ümumi sənaye istehsalının 93,4 faizi malların (əmtəələrin), 6,6 faizi isə sənaye xarakterli xidmətlərin payına düşmüş, məhsulun 79,7 faizi özəl bölmədə istehsal olunmuşdur.
Bölmənin digər xəbərləri
