“UNİBANK” EMİSSİYA OLUNMUŞ KARTLARIN MİQDARINI ARTIRMIŞDIR

24.04.2006 [15:34]
Çap et
A⁺ A^-

AZƏRTAC xəbər verir ki, 2006-cı ilin birinci rübündə “UniBank” emissiya olunmuş plastik kartların miqdarını əhəmiyyətli dərəcədə artırmışdır. Beləliklə, bank birinci rübün sonu üçün 10 781 ədəd kart buraxmışdır. Bu, ötən il aprelin 1-nə olan müvafiq göstərici ilə müqayisədə 72,11 faiz artıqdır.

Bank cari ildə lokal kartların, eləcə də Visa Electron, Visa Classic, Visa GOLD və Visa Business kartlarının emissiya olunmasını davam etdirir.

“UniBank” 2006-cı ilin fevralında “VISA International” beynəlxalq ödəniş sisteminin prinsipial üzvü statusu almışdır. Bu, həmin ödəniş sistemi ilə iki ildən artıq davam edən əməkdaşlıq sahəsində kart ödənişlərində strateji planların müvəffəqiyyətlə həyata keçirilməsinin nəticəsidir.

Prinsipial üzvlük “UniBank”a müstəqil kart siyasəti yürütmək, “VISA International”la birbaşa tərəfmüqabillik münasibətləri qurmaq, bu ödəniş sisteminin ekvayeri statusu almaq imkanı verəcəkdir.

“UNİBANK” EMİSSİYA OLUNMUŞ KARTLARIN MİQDARINI ARTIRMIŞDIR

MÜƏLLİFLƏ ƏLAQƏ

Bölmənin digər xəbərləri