UNİVERSİTET MƏZUNLARI ÜÇÜN MAGİSTR PROQRAMI FƏALİYYƏTDƏDİR
Amerika Şurasının Azərbaycan üzrə direktoru Ceremi Taş AZƏRTAC-ın müxbirinə demişdir ki, bu proqram üzrə müsabiqə sentyabr ayından başlayır. Azərbaycan, Belarus, Gürcüstan, Qazaxıstan, Qırğızıstan, Moldova, Rusiya, Tacikistan, Türkmənistan, Ukrayna, Özbəkistan və Ermənistan vətəndaşlarından müsabiqəyə daxil olmuş ərizələrə oktyabrdan dekabradək baxılacaqdır. Komissiyanın tərkibinə ABŞ universitetlərinin, Amerika Şurasının, Açıq Cəmiyyət İnstitutunun, təhsil və mədəniyyət işləri şöbəsinin nümayəndələri daxildir. İddiaçılar ingilis dilindən imtahan verəcək, müsabiqənin nəticələri aprel-may aylarında elan olunacaqdır.
Qaliblər ABŞ universitetlərində birillik və ikiillik proqramlar üzrə məşğul olur, təhsili başa vurduqdan sonra magistr şəhadətnaməsi və dərəcəsi alırlar.
Bölmənin digər xəbərləri
