UŞAQLAR QAYĞIDAN RAZI QALDILAR
Milli Qəhrəmanları Tanıtma Birliyi Nizami rayonundakı “Sünbül” şadlıq sarayında xeyriyyə tədbiri keçirmişdir.
AZƏRTAC-ın müxbiri xəbər verir ki, tanınmış incəsənət ustalarının iştirakı ilə keçirilən konsertdən əldə olunmuş vəsait şəhid milli qəhrəmanların ailələrinin və Nizami rayonundakı bir nömrəli uşaq bağçasının nümayəndələrinə təqdim edilmişdir. Birliyin sədri Elşən Məmmədov təşkilatın məram və məqsədini açıqlayaraq, iştirakçılara minnətdarlığını bildirmişdir.
