ÜST Uqandada Ebola qızdırmasının yenidən yayılmasını təsdiq edib
Bakı, 21 sentyabr, AZƏRTAC
Ümumdünya Səhiyyə Təşkilatı (ÜST) Uqandada Ebola qızdırmasının yenidən yayılmasını təsdiq edib.
ÜST-də bildiriblər ki, söhbət bu xəstəliyin nadir variantı sayılan Sudan ştamından gedir.
AZƏRTAC BMT-nin saytına istinadla xəbər verir ki, bir təsdiqlənmiş faktdan əlavə səkkiz şübhəli hal qeydə alınıb.
ÜST-nin məlumatına görə, insanlara və primatlara yoluxan bu xəstəlik adətən ağır formada keçir. Sudan ştamına yoluxma halında ölüm göstəricisi 41 faizdən 100 faizə qədər olur. Ümumdünya Səhiyyə Təşkilatı bu virusun yayılmasına yol verməmək üçün Uqandaya zəruri preparatlar, o cümlədən vaksinlər göndərib. Lakin hələlik bu vaksinin məhz Ebola qızdırmasının Sudan ştamına qarşı nə dərəcədə səmərəli olduğunu göstərən klinik məlumatlar yoxdur.
Bölmənin digər xəbərləri
