VAHİD ƏLƏKBƏROV: “UCUZ NEFT DÖVRÜ QURTARDI”
“LUKoyl” şirkətinin prezidenti Vahid Ələkbərov AZƏRTAC-a bildirmişdir ki, bu gün dünyada neftin qiymətini əvvəlcədən bilən şəxs ən zəngin insana çevrilə bilər. Çünki bu gün heç kəs - nə ən yüksək səviyyəli ekspertlər, nə də ki, iri şirkətlərin rəhbərləri bunu müəyyən edə bilməzlər. Hələ yarım il əvvəl ona qiymətlərlə bağlı bəzi proqnozların verildiyini qeyd edən “LUKoyl” prezidenti bu gün hər şeyin tamamilə başqa cür olduğunu bildirmişdir.
V.Ələkbərov vurğulamışdır ki, ucuz neft dövrü qurtardı. Bundan sonra ucuz neft olmayacaqdır. Çünki bu gün neftə olan tələbat durmadan artır. Neft şirkətləri yataqların işlənilməsinə böyük məbləğdə vəsait yatırmağa məcburdurlar. Ərəb ölkələri də maksimum neft hasil edirlər. Kifayət qədər maddi vəsait olmadan neft istehsalının kəskin artırılması gözlənilmir. Buna görə də ucuz neft olmayacaqdır.
Neftin qiymətinə dair proqnoz verə bilməyəcəyini qeyd edən “LUKoyl” prezidenti, bunu edəcək elə bir yüksək səviyyəli ekspert tanımadığını da qeyd etmişdir.
Bölmənin digər xəbərləri
